港產片宣傳要更貼地?

上星期六晚同吾妻去屯門之寶巴倫紐睇《 救殭清道夫》,幾乎全院滿座。完場時ending credit音樂好快完,原來係演員之一錢小豪同製作人員等來謝票,之後喺大堂派宣傳品(貼紙符一張)及同觀眾影相留念。人龍由大堂排出街,幾乎去到老麥外。大家都好開心。 吾妻都有排隊,佢話佢其實對同大明星合照無乜興趣,但要鼓勵吓錢小豪同班辦作人。印像中之前亦有港產片嘅演員去到巴倫紐謝票。(巴倫紐仍然有大嘅戲院大堂,搞謝票活動比對面凱都方便得多。) 我哋老友The Silver Spleen「銀脾」喺劉華套新片《拆彈專家》入面演鬼佬壞蛋,喺佢面書上提議不如大家約個時間一齊入場( »

九龍灣啟祥道宏光道十字路口

九龍灣啟祥道宏光道十字路口,成日有攝記外表(總之唔係巴膠外表啦)揸住DSLR及長鏡之人士喺度等同影相。前兩日俾我見到佢哋不停影行過嘅消防車。 我有理由相信記者受僱於一向同消防處有過節嘅白… 正義報。 »